အိပ်မက်တွေက နိုးတဲ့အခါ
လှပတဲ့ နံနက်ခင်းကို တမ်းတတယ်။
လွမ်းရပေမယ့်…
နွမ်းလျတဲ့စိတ်တွေကတော့
အကြိမ်ကြိမ်အဖန်ဖန်။
ဖြစ်ချင်ခဲ့တာ အလှတရား
သဘာဝမကျတဲ့ အဖြစ်တွေက
မနှစ်ကလိုပါပဲ။
အနားမှာ အချစ်ရှိတဲ့အခါ
ပျော်နေနိုင်တယ်ထင်ရပေမယ့်
ကျွမ်းနေတဲ့ ဝေဒနာကိုတော့
အချစ်က မကုစားနိုင်။
ဘီယာတစ်ခွက်က ယစ်မူးစေပေမယ့်
အချစ်ရဲ့ဆူးကတော့…
ဘီယာတစ်ခွက်လို…စိတ်မသက်သာစေပါဘူး
အချစ်ရဲ့ ခါးသီးခြင်းတွေထက်…
ဘီယာတစ်ခွက်က…ချိုမြလိမ့်မယ်ထင်ပါရဲ့။
နေခြည်သစ်နွယ်(ပြည်)
No comments:
Post a Comment