“ကျွန်မချစ်တဲ့ အနုပညာ”

နူးညံ့လွန်းတဲ့
နှလုံးသားတစ်စုံရယ်
ဘာကြောင့်များ
ငါ့ရင်မှာပေါက်ဖွား
မပြောသာတဲ့ အကြောင်းတရားက
ရောင်မှားလို့များ ပေါ်မလာ
ငွေသော်တာရောင်ခြည်လေးများ
ထွန်းလင်းလို့ ပေးပါတော့လားကွာ....။

“လွတ်လပ်စွာပျံသန်းလိုက်ကြပါစို့”

ဘယ်အရာပဲမဆို ကျွန်မ အကောင်းဆုံးလုပ်ဆောင်ခဲ့ပါတယ်၊ အကောင်းဆုံးဖြစ်အောင်လည်း ကြိုးစားခဲ့ပါတယ်၊ ပေးလာတဲ့ဘ၀၊ ပေးလာတဲ့ရလဒ်တွေအပေါ်မှာ ဖြစ်ချင်တာတွေ မဖြစ်ခဲ့ရပေမယ့်၊ ဖြစ်လာတဲ့ဘ၀အပေါ် အကောင်းဆုံးလုပ်ဆောင်ဖြစ်ခဲ့ပါတယ်၊ အလုပ်မှန်ရင် လုပ်ချင်တဲ့ဆန္ဒရှိတာ ကျွန်မရဲ့ ပင်ကိုယ်စိတ်တစ်ခုရယ်ပါ၊ အကျိုးအမြတ်ရှေ့မထားဘဲ စိတ်ကောင်းစေတနာများစွာဖြင့် ဘ၀မှာ ကျလာတဲ့၊ ပေးလာခဲ့တဲ့ ဇာတ်ရုပ်တစ်ခုကို ပီပြင်စွာသရုပ်ဆောင်ခဲ့ပါတယ်၊သရုပ်ဆောင်လာခဲ့သည်နှင့်အမျှလည်း  ဖြစ်ချင်တာတွေထက်၊

ဖြစ်လာတာတွေဟာ တိုးတက်သင့်သလောက်တိုးတက်မှုတွေ ရရှိခဲ့သလို၊ မဖြစ်ချင်ပေမယ့်လည်း၊ ဖြစ်လာတာတွေရဲ့နောက်ဆက်တွဲကို ထိန်းသိမ်းခဲ့တာလည်း ဘ၀ရဲ့ ရလဒ်ကောင်းတစ်ခုပါပဲ၊ ကျွန်မဟာ နေခြည်သစ်နွယ်ဆိုတဲ့ ကလောင်ပန်းကလေးတစ်ပွင့် ဖြစ်လာဖို့ ဘယ်သောအခါမှ မမျှော်လင့်ခဲ့မိပါဘူး၊ ကျွန်မရဲ့ ပင်ကိုယ်စိတ်ကူးလေးဟာ ဟိုးကလေးဘ၀က အမှတ်မထင်ဖြစ်နေခဲ့ပေမယ့် ကျွန်မအတွက် အချိန်အခါတစ်ခုရောက်လာတဲ့အခါမှာတော့ ကျွန်မရဲ့ ပင်ကိုယ်စိတ်ကူးလေးဟာ ပွင့်လန်းသင့်သလောက် ပွင့်လန်းလာခဲ့ပါပြီ၊ ကျွန်မ ၀ါသနာပါလွန်းတဲ့ စာရေးခြင်းအလုပ်၊ ခုဆို ကျွန်မ အွန်လိုင်းရဲ့စာမျက်နှာထက်မှာ နေခြည်ဆိုတဲ့ ပန်းလေးတစ်ပွင့်ဟာ အနုပညာတွေဝန်းရံထားတဲ့ ကဗျာတောလေးထဲမှာ ပွင့်လန်းလို့လာခဲ့ပါပြီ ၊ ကျွန်မကို ခင်မင်ကြသော၊ ကျွန်မခံစားရေးဖွဲ့ခဲသော၊ ကဗျာ၊ ရသ၊ ၀တ္ထုတိုတွေကို အချိန်တွေပေးပြီး