လူ့ဘ၀မှာ လူသားရယ်လို့ဖြစ်လာခဲ့ရင် ဖြစ်လာသမျှအကောင်းအဆိုးကို ခံနေရရုံသက်သက်ပဲလားလို့
ထင်ခဲ့မိတယ်။ ဘ၀ကပေးတဲ့ တာဝန်တွေ၊ ၀တ္တရားတွေ၊ စိတ်ညစ်မှု၊ စိတ်ပင်ပန်းမှုတွေကို ခါးစီးခံရတယ်ဆိုရင်….တရားသဘောအရ
ဝဋ်ကြွေး ဆိုပေမယ့်..အဲ့ဒီဝဋ်ကြွေးတွေဟာ မသေမချင်းဆပ်ရတော့မှာလားလို့….ဒဏ်ရာတွေနဲ့သာ
ပြည့်လို့နေခဲ့တယ်၊ နှလုံးသားထဲမှာ ဒဏ်ရာတွေပဲရှိနေခဲ့တယ်၊ တခါတရံ လူတွေနဲ့ အဝေးဆုံးနေရာကို
ပြေးထွက်ချင်မိတယ်၊ ရင်ထဲမှာ အမြဲတမ်းမွန်းကြပ်မှုတွေပဲ ရှိခဲ့ ပေမယ့် တခါတရံ ကိုယ်တစ်ယောက်တည်းပဲ
ကံဆိုးနေသလားလို့ တွေးနေခဲ့မိတယ်။ သံယောဇဉ်အမျိုးမျိုးရဲ့ နှိပ်စက်မှုကို ခံရတယ်၊ ခံနိုင်ရည်မရှိတော့ပါဘူး…ဒီအသက်အရွယ်မှာတောင်
ဒီလောက်ခံစားနေခဲ့ရရင်..နောင်ဆိုတာရော ရှိဦးမှာလား… တွေးနေရင်း..စိတ်ပင်ပန်းရတာအမှန်ပါပဲ၊
နောက်ဆုံးတော့ ဒီအခက်အခဲက လွတ်မြောက်နိုင်မယ့်ဆုလာဘ်ကတော့ နိဗ္ဗာန်ကို မျက်မှောက်ပြုနိုင်ဖို့ပါပဲ…။
ရင်ထဲမှာရော..အပြင်မှာရော တိတ်တိတ်လေးငိုနေခဲ့ရတဲ့ ရက်ပေါင်းတွေ မရေတွက်နိုင်တော့ပါဘူး…ငိုခဲ့ရတဲ့ရက်တွေကို
သည်းခံခြင်းနဲ့ ဖြတ်ကျော်လာခဲ့တယ်၊ ဇွဲနဲ့ အလဲထိုးခဲ့တယ်၊ ဒါပေမယ့် တခါတရံ ကျလာတဲ့ဝန်နဲ့
ခုခံနိုင်တဲ့အင်အားက မမျှတခဲ့တဲ့ အတွက် ရှုံးနိမ့်ခဲ့ရပါတယ်။ ရင်ထဲမှာ ဖြစ်ချင်တဲ့ဆန္ဒတစ်ခုက
လင်းလက်တောက်ပနေတဲ့ ကြယ်ပွင့်တစ်ပွင့်ပေါ့… အဲ့ဒီ ကြယ်ပွင့် လေးဟာ လူသားတိုင်းကို အလင်းရောင်ပေးနိုင်တဲ့သူပေါ့….။