“ကြယ်တွေစုံနေ..ဆောင်းလေပြေ”

ကြယ်တွေစုံတဲ့ ညတစ်ည

ငါ..မော့ကြည့်ဖြစ်ခဲ့တယ်

ကောင်းကင်ပြင်ဝယ် ...

အေးစိမ့်စိမ့်လေပြေတွေက

ကြွေလွင့်လို့ပြေးလာ..

အအေးသာ ပိုလာခဲ့တယ်

“နှလုံးသားချင်းလည်း…နားလည်စေ”

ချစ်သူရေ..တောင်ပံနှစ်စုံ တူညီလာပြန်လို့ ပျံသန်းချင်နေကြပြီနော်.. ဟိုတုန်းက အသိုက်အမြုံလေးတစ်ခုမှာ အတူတူခိုလှုံ ခဲ့ကြဘူးတယ်နော်။ နှစ်ယောက်အတူ ကြည်ကြည်နူးခဲ့တဲ့ နေ့ရက်တွေက အချိန်ကာလတွေ တရွေ့ရွေ့ ပြောင်းလဲနေခဲ့ပေမယ့် ရိုးမသွားနိုင်ခဲ့တဲ့ “အချစ်”ဆိုတဲ့ စကားလေးနှစ်ခွန်းကိုတော့ အမြဲတမ်း ခေါ်ဆိုဖြစ်ခဲ့ကြတယ်နော်။ အချစ်က ဖြူစင်တယ်ဆိုတာကို မင်းယုံနိုင်မလား…ငါလည်း လက်ခံပါတယ်ကွာ…။

အချစ်ဆိုတာ..နူးညံ့တယ်၊ ခံစားချက်ရှိတယ်..ဖြူစင်တယ်၊ အချစ်တွေရဲ့နောက်မှာ အလွမ်းလေးတွေက တစ်စတစ်စနဲ့ဆိုသလို ပိုပိုတိုးလို့ ချစ်ရပြန်တာတွေကလည်း မင်းနဲ့ ငါ့ရဲ့ မရိုးနိုင်သော ဇာတ်လမ်းလေးတစ်ပုဒ်ပဲမဟုတ်ပါလား။ အိပ်မက်တွေလည်း အတူတူ မက်ခဲ့ဘူးတယ်။ အလွမ်းလေးတွေကိုလည်း စာဖွဲ့ကြတယ်။ ဖြူစင်တဲ့ချစ်ခြင်းရဲ့ လရောင်အောက်မှာ မျှော်လင့်ခြင်းတွေ က ပြည့်နှက်နေခဲ့လို့ပေါ့...။ ပြန်ဆုံဘို့ရာ ဆုတောင်းခြင်းတွေကလည်း ရင်ထဲမှာ အခါခါပါပဲကွာ….။

ချစ်သူရေ..ရေမြေတွေခြားမနေပေမယ့် မိုင်ထောင်ချီဝေးတဲ့ အရပ်တွေမှာ အလွမ်းတွေကို ခုတုံးလုပ်ပြီး အချစ်တွေကို ဆော့ကစား ဘို့တော့ မကြိုးစားပါနဲ့နော်…

“နေခြည့်အတွက်…စက်တင်ဘာအမှတ်တရနေ့”

ဒီနေ့ဟာ ကြေကွဲဖွယ်နေ့ရက်လေးတစ်ခုပါ…နေခြည် အွန်လိုင်းပေါ်မှာ ခြေချခဲ့တာ (၂)နှစ်ပြည့်ခဲ့ပါပြီ… အလုပ်တွေကြားမှာ စာတွေလည်း ဖတ်ဖြစ်ခဲ့သလို၊ စာတွေလည်း ရေးဖြစ်ခဲ့ပါတယ်… အထူးသဖြင့် ကဗျာလေးတွေပါပဲ..၊ နေခြည့်ဆရာရဲ့ လမ်းပြ ပေးမှုကြောင့် နေခြည် ကိုယ်ပိုင်ဝဘ်ဆိုဒ်လေးတစ်ခုကို ပိုင်ဆိုင်နိုင်ခဲ့ပါတယ်။ ဆရာ့ရဲ့ လမ်းပြမှုတစ်ချို့ကစခဲ့လို့..နေခြည် သိချင် တာတွေ၊ စူးစမ်းချင်တာတွေအားလုံးကို..လေ့လာမှတ်သားဖြစ်ခဲ့လို့ ၀ဘ်ဆိုဒ်လေးဟာ အတော်အသင့် လှပပြည့်စုံနေခဲ့ပါတယ်။ နေခြည့်ရဲ့ ဘ၀အမောတွေပြေစေတဲ့ဆိုဒ်လေးတစ်ခုဆိုလည်း မမှားပါဘူး…။
အကျိုးအမြတ်တစ်စုံတစ်ရာ ရရှိဘို့အတွက် မျှော်လင့်ခဲ့တာမဟုတ်ဘဲ…ဘ၀ရဲ့ရှင်သန်ချိန် နေ့ရက်တွေထဲမှာ ပုံဖော်ခဲ့တဲ့ အရာလေးတွေကို နေခြည်နဲ့အတူ နေခြည့်ရဲ့ ကဗျာလေးတွေကို အားပေးခဲ့ကြသော စာဖတ်ပရိသတ်များအတွက်လည်း မျှဝေ ခံစားနိုင်မယ်…တစ်စုံတစ်ခုကိုပေးစွမ်းနိုင်ခဲ့မယ်ဆိုရင်ပဲ ပီတိရဲ့အငွေ့အသက်တစ်ခုကို ကျေနပ်စွာနဲ့လက်ခံနေမှာပါ။ တကယ် ဆိုတော့ နေခြည့် ရဲ့ အသက်မွေးဝမ်းကျောင်းအလုပ်တစ်ခုဟာ စာပေအတွက်မဟုတ်ခဲ့ရပါဘူး။