အိပ်ယာမှ နိုးထနေချိန်
အမေ့အပြုံးကို မြင်နေမိတယ်
အနားမှာ အဖော်တွေမရှိတဲ့အခါ
အမေ့ကို တမ်းတမိတယ်
သောကတွေပြည့်လို့
မျက်ရည်တွေ ရစ်ဝဲလာတဲ့အခါ
အမေ့ရင်ခွင်မှာ ခေါင်းလေးဝှေ့နေချင်တယ်
ထမင်းဝိုင်းမှာ တစ်ယောက်တည်း
နှုတ်ဆိတ်စွာ စားနေချိန်မှာ
အမေ့ကို သတိရတယ်
အိမ်ပြန်ချိန် အ၀င်လမ်းမှာ
ခေါင်းငိုက်စိုက်ကျနေခဲ့ချိန်
အမေ့ရဲ့ကြိုဆိုမှုကို လွမ်းမိတယ်
ညဥ့်နက်သန်းခေါင်ယံ
တိုးတိုးတိတ်တိတ်ရှိနေချိန်
အမေ့အသံကို ကြားချင်မိတယ်
တစ်ယောက်သောသူ
“အမေ”လို့ ခေါ်နေချိန်
ကျွန်တော်လည်း ခေါ်ချင်မိတယ်
“အမေ”လို့လေ….
အော်ဟစ်ကာခေါ်သော်လည်း
အမေက မကြားနိုင်…။
ဘုရားဝတ်ပြုချိန်တိုင်း
တစ်ယောက်တည်းရှိနေချိန်
အမေ့ရဲ့ဝတ်ပြုသံကို ကြားနေမိတယ်
ဘယ်သူမှမရှိပေမယ့်…အမေရှိတယ်
ဘယ်သူမှမခေါ်ပေမယ့်…အမေကခေါ်တယ်
ဘယ်သူမှမကြည်ဖြူပေမယ့်…အမေကကြည်ဖြူတယ်
ဘယ်သူမှမပြောချင်ပေမယ့်..အမေကပြောစရာတွေရှိတယ်
ဘယ်သူမှဂရုမစိုက်ချင်ပေမယ့်…အမေကဂရုစိုက်တယ်
ဘယ်သူမှထွေးပွေ့မထားပေမယ့်..အမေကထွေးပွေ့ထားတယ်
ဘယ်သူမှမကြင်နာပေမယ့်…အမေကကြင်နာတယ်
ရင်နာတယ်မျက်ရည်တွေနဲ့….“အမေ”..။
ဘယ်သူမှမချစ်ပေမယ့်….အမေကချစ်တယ်
အနေခက်စေတယ်…
“အမေ” မရှိတဲ့နေ့ရက်တွေမှာလေ
ကျွန်တော်တစ်ယောက်တည်း
ယောင်လည်လည် အတွေးတွေနဲ့
အမေ့ရဲ့အပါးတော်မှာ ခစားပါရစေ
မှာကြားခဲ့တာတွေလည်း နာခံချင်ပါတယ်
တစ်ခါတုန်းကလိုပဲ..အမေနဲ့အတူနေချင်ပါတယ်….။
အမေနဲ့အတူ ပျော်ချင်ပါတယ်…
အမေ့ကိုပဲ…ကျွန်တော်ချစ်ပါတယ်…..။
နေခြည်သစ်နွယ်(ပြည်)
No comments:
Post a Comment