“ချစ်ခြင်းရဲ့အိပ်မက်”
အပြာရောင်မိုးသားအောက်မှာညည်းဆိုခဲ့ဖူးတဲ့ သံစဉ်လေးတွေကလည်း နားထဲမှာပျံ့လွင့်ရှင်သန်နေဆဲပါပဲ…အတူထိုင်ခဲ့ဖူးတဲ့ ခုံတန်းလျားလေးကလည်း ခုတော့လည်း…သခင့်ဆီကို တမ်းတဖွေရှာလို့နေခဲ့ရပြီပေါ့….
အိပ်မက်တွေနဲ့ဆန္ဒတွေ ထပ်တူကျလာတဲ့အခါ နှလုံးသားက..မီးပန်းလေးတွေလိုပဲ…ကောင်းကင်မှာ တောက်ပလို့ဝံ့ကြွားနေကျပေါ့..သောကတွေရဲ့ရှေ့တော်မှောက်မှာ..မျက်ဝန်းကိုယ်စီမှ စူးစူးနက်နက်အကြည့်လေးတွေက မျက်ရည်မိုးတွေရွာစေခဲ့တော့တာပါပဲ…လှပတဲ့နေ့ရက်လေးတွေဟာ သန်းခေါင်ယံဆန်တဲ့အိပ်မက်တွေထဲကလိုပဲ ထပ်တူကျနေခဲ့ရင် ဖြင့် တို့နှစ်ယောက်ရဲ့ရင်ခုန်သံမှတ်တမ်းတွေဟာ ဒိုင်ယာရီစာအုပ်လေးထဲမှာ…ပြည့်နှက်နေတော့မှာပေါ့။
ခိုင်မာတဲ့သံယောဇဉ်ကြိုးလေးဟာ..ဟိုး..မိုးကုတ်စက်ဝိုင်းကြီးရဲ့အောက်မှာ…ထာဝရလည်ပတ်ခွင့်ရနေခဲ့မယ်ဆိုရင် သက်တန့်ရောင်တွေနဲ့လှပနေမယ့် မနက်ဖြန်ဆိုတဲ့နေ့ရက်တွေဟာ တို့နှစ်ယောက်အတွက် ဖြစ်လာမှာပေါ့… သစ်သီးဖျော်ရည်တစ်ခွက်နဲ့အတူ..ပကာသနမဖက်တဲ့
ထာဝရသကြားလုံးလေးတစ်လုံးဟာ တို့နှစ်ယောက်အတွက် ဖေဖော်ရီမဟုတ်ခဲ့တဲ့ happy dayပေါ့..မုန်းမာန်ဖွဲ့စကားမဆို
သာ….ဟန်ဆောင်ခြင်းကင်းမဲ့ပြီး..ချစ်ခြင်းမေတ္တာအပြည့်အ၀ဖြင့် ဖွင့်ဟပြောဆိုခဲ့ကြသော အကြင်နာစကားလုံးတွေတိုင်းဟာ..အရာရာသက်ဝင်လှပလို့နေဆဲပါပဲ။
ဟန်းဖုန်းလေးထဲကလို..ဆက်သွယ်မှုဧရိယာပြင်ပမှာမရှိခဲ့ကြတဲ့ တို့နှစ်ယောက်ရဲ့နှလုံးသားတွေဟာ ဧရာဝတီရဲ့တစ်ဖက်ကမ်းမှာလို ကြိုးလေးတစ်ချောင်းသဖွယ် နီးစပ်မှုရှိတဲ့စိတ်တံတားလေးတစ်ခုရယ်ပေါ့…ချစ်ခြင်းမေတ္တာတွေနဲ့ အတူ တန်ဖိုးထားနားလည်မှုတွေဟာ တို့နှစ်ယောက်အတွက် သံသယကင်းတဲ့ချစ်စံအိမ်လေးတစ်လုံးကို ဖန်တီးတည်ဆောက်ခဲ့ရ သလိုပါပဲ။ ချစ်ခြင်းတွေနဲ့ဖွဲ့နှောင်ထားတဲ့အိမ်လေးကို ပျက်ဆီးသွားဖို့ရာ ဖြိုဖျက်ဖို့သတ္တိတွေမရှိခဲ့သည့်နောက်ပိုင်း အိမ်ကလေးဟာ တို့နှစ်ယောက်အတွက် အလှပဆုံးဖြစ်စေရမှာပေါ့..။
လေဒဏ်၊မိုးဒဏ်တွေနဲ့အတူ ရိုက်ခတ်လာမယ့် ပင်လယ်ကြမ်းပြင်ထက်က လှိုင်းလုံးတွေ
ထကြွနေပါစေ ပြိုလဲမသွားဖို့အတွက် ချစ်ခြင်းမေတ္တာဆိုတဲ့ ဓနိတွေနဲ့
ပြန်လည်တည်ဆောက်သွားကြမှာပေါ.။ မနက်ဖြန်ဆိုတဲ့ နေ့ရက်တွေဟာ
တို့နှစ်ယောက်အတွက် မသေချာသောနေ့တွေပါပါပဲ…အနာဂါတ်ဆိုတာ မျက်ကန်းတစ်ယောက်လိုပဲ..ပန်းတိုင်မရှိတဲ့လမ်းမကြီးထက်မှာ စမ်းတ၀ါးဝါးနဲ့ လျှောက်လှမ်းနေကြရသလိုပါပဲ..ဘယ်ဆီမှာလဲကွယ်၊ မျှော်နေမိခဲ့တယ်…ရင်ကွဲမတတ်ခံစားချက်တွေက…စာဖွဲ့လို့ရကြေးတဲ့လား။
ပစ္စုပ္ပာန်ဟာ အနှိုင်းမဲ့ကမ္ဘာ၊ မိုးကောင်းကင်မှာ ကြယ်တွေရှိတယ်…လမင်းကြီးကသာတယ်…ပြီးပြည့်စုံတဲ့ဒီနေ့လိုပဲ…တို့နှစ်ယောက် ပျော်ရွှင်ကြမယ်..ကြည်နူးကြမယ်..သံစဉ်တွေနဲ့ ကာရံတွေကြားမှာ..နှစ်သိမ့်ကြမယ်…
ဘယ်နေ့လဲလို့ မမေးကြကြေးပေါ့၊ ရက်စွဲတွေဟာ တို့နှစ်ယောက်အတွက်မှ
မဟုတ်တာပဲလေ။ အချိန်ကာလတွေကရော..ကံကြမ္မာက မျက်နှာသာပေးတဲ့နေ့မှာ
တို့နှစ်ယောက် ဆုံဆည်းခွင့်ရကြမှာပေါ့။
ရယ်သံတွေက နှလုံးသားမှာ..အပြုံးချိုချိုတွေနဲ့အတူ ခေါ်သံတွေကလည်း စူးစူးနင့်နင့်ပေါ့…ဟိုး…အတိတ်တွေဟာ..မနေ့က ပြဇာတ်ကသလိုပါပဲ..ကကွက်အတုတွေမဟုတ်တဲ့…ယှဉ်ပြိုင်ခြင်းလောကဓံတွေကြားမှာ…တို့နှစ်ဦးရဲ့ မျက်ဝန်းစိုတွေနဲ့အတူ…. လဲယူခဲ့ကြသူတွေပါ….။
နေခြည်သစ်နွယ်(ပြည်)
www.naychithitnwe.com
No comments:
Post a Comment