ချစ်သောညီမလေး…နေခြည်…သို့…အမှတ်တရ။
နေခြည်တစ…
ရွှေရည်တမြမြနဲ့..
ငါ့ဘ၀နံနက်ခင်းရဲ့
ကော်ဖီခပ်ပြင်းပြင်းလေးမှာ
ချစ်ခြင်းရနံ့တွေ..တောင်ပံခတ်လို့
(တဘ၀စာ……)
အလင်းဓါတ်တွေ..ပျော်ဝင်နွေးထွေးသွားခဲ့ပြီ…..။
ငါ့အိမ်လေးထဲကို…၀င်ရောက်တွယ်ဖက်လာတဲ့…အလင်းစက်လေးရယ်…
ငါကဗျာရေးရင်….ကာရံဖြစ်..
ငါသီချင်းရေးရင်…သံစဉ်ဖြစ်..
ငါပြဇာတ်ရေးရင်……ဇာတ်ကောင်ဖြစ်
ငါပျော်နေရင်…..ချိူးကူသံလေးဖြစ်
ငါငိုကြွေးရင်…..သောကတယောသံလေးဖြစ်လို့..
အစ္ဇျတ္တရင်ခုန်သံ..အစစ်နဲ့
အိပ်မက်တွေဟာ…ထပ်တူကျကျစ်လစ်လို့…။
ကောင်မလေးရေ..
နေပင်လယ်….နေပြင်ကျယ်..
နေဆယ်စင်း….နေတကယ်ပြင်း…ပြင်းပါစေသား
ငါ့..ကံကြမ္မာတခုလုံးအပေါ်မှာ
တည့်မတ်စွာ..ရောင်ခြည်ဖြာဖို့
ငါ့နှလုံးသားကို ဗလာကျင်းဇွင့်လှစ်
သစ္စာပန် ခံနိုင်ရည်အစစ်..
မေတ္တာနှံ..စံခိုင်မှီအချစ်တွေနဲ့
သတင်းအသစ်အဖြစ်…ဂရင်းနစ်စံချိန်..တင်ဦးမယ်..။
အလင်းနုနုလေးရေ..မင်းရဲ့နောက်ဆုံးပစ်မှတ်
မင်းရဲ့..နောက်ဆုံးအချစ်ဓါတ်
နေ၀င်မယ့်..ဘူမိနက်သန်အရပ်
ငါ့ရင်ဘတ်မှာ..ငုပ်လျှိူး
ငါကိုယ်တိုင်..မော်ကွန်းထိုးလိုက်ပါပြီ
မင်းဟာ…
ငါ့နန်းတော်ရဲ့..မှော်ပလ္လင်ဧကရီဖြစ်သလို..
အလှမနွမ်းပေါ်တဲ့…တော်ဝင်နေခြည်…အစစ်ပါနော်။ ။
သီဟန်@တေးရေး-လှိုင်းသန့်(မြန်မာစာ)။
No comments:
Post a Comment