ဇွန်နဲ့အတူ ကျလာခဲ့တဲ့
မိုးဖွဲလေးရေ
ငါလွမ်းလိုက်တာ
နင်ပက်ဖျန်းတဲ့ မိုးရေစက်တွေအောက်မှာ
ငါတစ်ယောက်တည်း….အထီးကျန်စွာ
ငါ့ပါးပြင်မှာ မိုးစက်တွေနဲ့အတူ
အလွမ်းမျက်ရည်တွေ စိုရွှဲနေလို့ပေါ့
တိတ်ဆိပ်တဲ့…လမ်းမထက်မှာ
ကြင်နာစွာ ပွေ့ဖက်ထားသူ
ဘယ်မှာလဲကွယ်….
ဇွန်နဲ့အတူမျှော်နေမယ်
မိုးရေထဲလည်း လျှောက်သွားမယ်
ကြောက်အားတွေ ပိုခဲ့ပေမယ့်
အချစ်တစ်ခုရဲ့ အားအင်တွေနဲ့
ရင်ဆိုင်ကာ ဖြတ်သန်းလိုက်မယ်
ဇွန်မိုးဖွဲတွေနဲ့အတူလေ……..။
နေခြည်သစ်နွယ်(ပြည်)
No comments:
Post a Comment