“စိတ်ကူးယဉ်ထဲက သတို့သမီး”
စာရေးဆရာကြီးတစ်ယောက်ရဲ့
စာပေဟောပြောပွဲအသံဖိုင်လေးကို နားထောင်မိရင်း…သူကပြောတယ်
စိတ်ကူးယဉ်လို့ရတယ်တဲ့၊ ဒါပေမယ့်
ဖြစ်နိုင်မယ့်စိတ်ကူးကိုယဉ်တာကအကောင်းဆုံးပဲလို့ ပြောခဲ့တယ်။
အဲ့ဒီစာရေးဆရာကြီးရဲ့ စကားလေးတစ်ခွန်းကိုကြားပြီး ကျွန်မလည်း
စိတ်ကူးလေးတစ်ခု ယဉ်ကြည့်ခဲ့မိပါတော့တယ်….. အဲ့ဒီစိတ်ကူးလေးတစ်ခုကတော့-
ကျွန်မငယ်စဉ်က မေမေက မေးခွန်းလေးတစ်ခုမေးခဲ့တယ်…
“သမီး….ဘာဖြစ်ချင်လဲတဲ့”
အဲ့ဒီအရွယ် ကျွန်မက အသက်ဆယ်နှစ်လောက်သာ၊ ကျွန်မပြန်ပြောလိုက်မိသည်က ….
“မေမေ….သမီး သတို့သမီးလေးဖြစ်ချင်ပါတယ်”
ဘာမှန်းမသိတဲ့အရွယ်ကတည်းက
သတို့သမီးလေးဖြစ်ချင်ခဲ့တာ ခုဆို နှစ်တွေအတော်ကြာနေခဲ့ပါရောလား… ကျွန်မ
သတို့သမီးလေးဖြစ်ချင်ခဲ့ပေမယ့် ချစ်သူတစ်ယောက်မှမရှိခဲ့လို့
ကျွန်မရဲ့ဆန္ဒတွေ ပြည့်စုံမလာခဲ့ပါဘူး ဒါပေမယ့်
ကျွန်မရဲ့စိတ်ကူးယဉ်အိပ်မက်တွေထဲမှာတော့ ကျွန်မရဲ့နံဘေးမှာ
ချစ်သူတစ်ယောက်ရှိလာခဲ့တယ်။ ကျွန်မရဲ့ချစ်သူနဲ့ တစ်ယောက်ကိုတစ်ယောက်
အရမ်းချစ်ခဲ့ကြတယ်။
ချစ်သူနဲ့ကျွန်မ လက်ထပ်တော့မယ့်အချိန်ကို
ရောက်လာခဲ့တဲ့အခါ….ကျွန်မတို့နှစ်ယောက်
အရမ်းပျော်ခဲ့ရတဲ့နေ့လေးတစ်နေ့ပေါ့…ချစ်သူနဲ့ကျွန်မရဲ့
သီးခြားချစ်ကမ္ဘာအိမ်လေးကို အတူတူဖန်တီးတည်ဆောက်ဘို့
ကိုယ်စီစိတ်ကူးလေးတွေရှိခဲ့ကြတယ်…ချစ်သူကပြောတယ် ကျွန်မကို…
“စိတ်ကူးနဲ့ကိုတို့ရဲ့ အိမ်ကလေးကို decorationလှလှလေးတွေဆင်ကြမယ်နော်”
အဲ့ဒီလိုပြောလာတဲ့
ကျွန်မချစ်သူရဲ့စိတ်ကူးကို
ကျွန်မအကောင်အထည်ဖော်လိုက်မိတယ်….ကျွန်မတို့ရဲ့အိမ်ကလေးဟာ ခြံဝန်းလေးထဲကို
စတင်ဝင်လာတဲ့အချိန်မှာ အဖြူရောင်နှင်းဆီ၊ အဖြူရောင်သစ်ခွပန်းပင်လေးတွေ
စီတန်းပြီး စိုက်ထားခဲ့တယ်။ ခြံထဲမှာ ကျွန်မနဲ့ချစ်သူ ထိုင်ဖို့ရာ
ခုံတန်းလေးတစ်ခု၊ မြက်ခင်းစိမ်းစိမ်းလေးတွေလည်းရှိသေးတယ်။ အိမ်လေးထဲကို
ဝင်လိုက်ရင် ခန်းဆီးလိုက်ကာ
ဆင်စွယ်ရောင်လေးတွေနဲ့…ဧည့်ခန်းကိုကြည့်လိုက်ပြန်တော့
ကျွန်မနဲ့ချစ်သူတို့အတွက် နှင်းဆီရနံ့သင်းသင်းလေးနဲ့
ပန်းအိုးလေးတစ်လုံးရှိတယ်…အိမ်ကလေးထဲမှာ ပစ္စည်းတွေအများကြီးရှိနေတာကို
ကျွန်မရောချစ်သူပါ မကြိုက်ကြပါဘူး…အိမ်လေးထဲက နံရံတွေကို
ပန်းနုရောင်ဆေးပန်းချီ ခြယ်မှုန်းထားခဲ့ကြတယ်… အိပ်ခန်းမှာတော့
ကျွန်မနဲ့ချစ်သူအတွက် နှစ်ယောက်အိပ်ကုတင်လေးတစ်လုံးနှင့်အတူ
တီဗွီလေး(၁)လုံးရှိတယ်… ကုတင်လေးဘေးမှာတော့ ချစ်သူနဲ့ကျွန်မအတွက်
စာရေးစားပွဲတစ်လုံး၊ ဒိုင်ယာရီစာအုပ်လေးတစ်အုပ်…ကျွန်မနဲ့ချစ်သူတို့ရဲ့
တစ်နေ့တာရင်ထဲကစကားလေးတွေကို မှတ်တမ်းတင်ဘို့ပေါ့…
ကျွန်မတို့ရဲ့အိမ်ကလေးကို အလှဆင်ပြီးပြီဆိုတော့ ကျွန်မနဲ့ချစ်သူ လက်ထပ်ပြီးတဲ့အခါ နေစရာအိမ်ကလေးတစ်လုံးကို ပိုင်ဆိုင်ခဲ့ကြပါပြီ…..
ကျွန်မနဲ့ချစ်သူတို့အတွက် ဖိတ်စာလေးတစ်စောင် စီစဉ်ရအုံးမည်….
“စိတ်ကူးတို့ ဖိတ်စာလေးက…အဖြူရောင်လေးနော်…..ကို”
“စိတ်ကူး…ကိုတို့ ဘယ်မှာလက်ထပ်ကြမလဲဟင်”
ကျွန်မတို့ချစ်သူနှစ်ဦးရဲ့ စိတ်ကူးလေးကတော့….
“ပထမဦးဆုံးနေ့”….ကျွန်မနဲ့ချစ်သူ
အဖြူရောင်သတို့သားဝတ်စုံလေးရယ်…အဖြူရောင်သတို့သမီးဝတ်စုံလေးနဲ့ တရားရုံးမှာ
လက်ထပ်ကြမယ်….မြန်မာဆန်တဲ့ဝတ်စုံလေးနဲ့ပေါ့။
“ဒုတိယနေ့”….မင်္ဂလာဧည့်ခံပွဲတဲ့….အဲ့ဒီနေ့လေးမှာ
ကျွန်မနဲ့ချစ်သူရဲ့ မင်္ဂလာဝတ်စုံလေးက အရောင်ဖျော့တော့တော့ရှိတဲ့ အ၀ါရောင်
ဝတ်စုံလေးနဲ့ပေါ့..ဒါပေမယ့် မြန်မာဝတ်စုံတော့မဟုတ်ပါဘူး….
အနောက်တိုင်းဝတ်စုံဆန်ဆန်လေးပေါ့….ကျွန်မရဲ့သတို့သမီးဝတ်စုံလေးက
ရိုးရှင်းလွန်းတဲ့ဂါဝန်လေးပေါ့
ချစ်သူရဲ့ဝတ်စုံလေးကတော့…အဖြူရောင်လေးနဲ့အနက်ရောင်ဖောက်ထားတဲ့ဝတ်စုံလေးတစ်စုံရယ်….
အဲ့ဒီနေ့လေးမှာ ကျွန်မ သိပ်ကိုလှနေမှာဘဲလို့ပြောတော့ ချစ်သူက….
“သိပ်လှတာပဲ စိတ်ကူးရယ်….”
လက်ထပ်တဲ့နေ့လေးမှာ ကျွန်မနဲ့ချစ်သူ တစ်ယောက်ကိုတယောက် ကြင်ကြင်နာနာနဲ့ လက်ထပ်လက်စွပ်လေးကို ဆင်မြန်းပေးကြရင်း….
“စိတ်ကူး….ဘယ်တော့မှ မချွတ်ကြေးနော်…အမြဲတမ်းဝတ်ထားရမယ်”
ကျွန်မအမြဲတမ်းဆင်မြန်းထားမယ့် ချစ်သူကပေးတဲ့လက်စွပ်လေးပါ…တန်ဘိုးလည်းထားသလို…မြတ်နိုးပါတယ်
“စိတ်ကူးနဲ့ကို လက်ထပ်ပြီးရင် ဟန်းနီးမွန်းခရီးထွက်ကြမယ်နော်”
ချစ်သူမပြောခင်အချိန်တည်းက
ကျွန်မစဉ်းစားပြီးသားမို့ စိတ်တူကိုယ်တူဖြစ်ခဲ့ရသည်… ကျွန်မတို့တွေ
အပန်းလည်းပြေရမယ်…အေးချမ်းနေရမယ်…သဘာဝဆန်ဆန်လှပတဲ့မြို့လေးကို
ဟန်းနီးမွန်းထွက်ကြဘို့ ဆုံးဖြတ်ခဲ့ကြပါတော့တယ်….
“စိတ်ကူး…ပျော်လားဟင်…”
“ပျော်တာပေါ့ ကိုရယ်”
ကျွန်မနဲ့ချစ်သူ လက်ထပ်တဲ့နေ့မှာ
ကျွန်မရဲ့ချစ်သူက အနမ်းပွင့်လေးတစ်ချက်ပေးခဲ့တယ်….အဲ့ဒီနေ့လေးဟာ
ကျွန်မအတွက် ပျော်ရွှင်စရာကောင်းပြီး ချိုမြိန်တဲ့အရသာတွေနဲ့
ပြီးပြည့်စုံတဲ့ သတို့သမီးလေးဖြစ်သွားခဲ့ပါပြီ….
တကယ်ဆိုတော့…..အဲ့ဒီသတို့သမီးလေးဟာ ကျွန်မအိပ်မက်တွေမက်ပြီး စိတ်ကူးထဲက
သတို့သမီးလေး ဖြစ်ခွင့်ရခဲ့တာပါ….ကျွန်မ
အိပ်မက်ကနိုးလာတဲ့အချိန်မှာတော့..ကျွန်မရဲ့နံဘေးမှာ…အထီးကျန်ဆန်စွာ…
ပန်းပွင့်တွေက ခြောက်သွေ့ပြီး နွမ်းလျနေတယ်…. ငှက်ကလေးတွေကလည်း
တေးမဆိုချင်တော့… စမ်းချောင်းလေးတွေကလည်း စီးဆင်းလိုတဲ့ဆန္ဒတွေမရှိနိုင်သလို
ကျွန်မတစ်ယောက်လည်း ကျွန်မရဲ့ “စိတ်ကူးယဉ်လေးထဲက သတို့သမီးလေး”ဘ၀ကို
အိပ်မက်ထဲကနေ နိုးမထခဲ့ချင်တော့ပါဘူး….
နေခြည်သစ်နွယ်(ပြည်)
No comments:
Post a Comment